Повредените лица се пренесени во гостиварската болница за укажување лекарска помош, а патот Гостивар-Кичево од 15:30 часот е затворен за сообраќај во двете насоки
Тешка сообраќајка се случила попладнево на магистралниот пат Гостивар-Кичево во која има една жртва, а неколку лица се пренесени во гостиварската болница за укажување помош.
Според извори на Нова ТВ, Во сообраќајката учествувал и Зоран Милески-Кичеец, осуден во случајот Рекет.
Од МВР велат дека според пријавата во СВР Тетово сообраќајката се случила околу 15:30 часот во близина на Новоселските гробишта и во неа учествувале три возила.
– Денеска околу 15 часот и 30 минути во СВРТетово пријавено е дека на магистралниот пат Гостивар-Кичево, во близина на Новоселските гробишта, се случила сообраќајна несреќа во која учествувале три моторни возила: џип “мерцедес”, патничко возило “бмв” и камионет. Едно лице од камионетот починало на местото на несреќата, а повредените лица пренесени се во гостиварската Општа болница “Ферид Мурад “за укажувањех на лекарска помош. Јавен обвинител и екипа од ОВР Гостивар вршат увид. Од 15 и 30 часот во прекин е сообраќајот во двете насоки, велат првичните информации од МВР.
Патот Гостивар-Кичево е затворен за сообраќај во двете насоки, а на терен увид вршат јавен обвинител и екипи од гостиварската полиција.