https://www.youtube.com/watch?v=bJZVs9YIPtA
За пилотот на Ред Бул ова е прв триумф во сезоната, вкупно четврти во кариерата, бранителот на тронот не заврши на патеката „Сепанг“ по експлозијата на мотор во болидот.
Австралиецот Даниел Рикардо триумфира во трката за ГН на Малезија. Пилотот на Ред Бел беше најбрз на патеката „Сепанг“ со време 1:37,12 часа за прва победа во Формула 1 шампионатот во оваа сезона, вкупно четврта во кариерата. Втор низ целта мина неговиот клупски колега Макс Ферстапен (+2,433 секудни заостанување), место на подиумот обезбеди и Нико Розберг од Мерцедес и покрај казната од 10 секунди што ја доби за време на трката.
Бодови во Малезија освоија уште Кими Раиконен (Ферари), Валтери Ботас (Вилијамс), Серхио Перез (Форс Индија), Фернандо Алонсо (Мекларен), Нико Хулкенберг (Форс Индија), Џенсон Батон (Мекларен) и Џолион Палмер (Рено). Бранителот на тронот Луис Хамилтон не ја заврши трката во Малезија. Британецот се откажа во 41 круг на 15 до крајот, откако се запали моторот на неговиот болид.
До инцидентот Хамилтон беше лидер со 20 секунди предност во однос на најблискиот ривал. Сега, на пет тркки до крај на сезоната, заостанува 23 бода зад Нико Розберг во генералнниот пласман. Формула 1 шампионатот проддолжува наредниот викенд со трка за ГН на Јапонија.