Тешки борби меѓу украинските и руските се водат околу градот Чернихив, на северот на Украина, потврди укранскиот претседател, Володимир Зеленски.
Чернихив се наоѓа на околу 105 километри северно од главниот град Киев.
„Си-Ен-Ен“ јави дека е запалено регионалното седиште на Службата за безбедност на Украина, а сведокот што бил контактиран од американската ТВ куќа рекол дека пожарот сè уште не е локализиран.
Chernihiv security department is on fire: two shells from the Russian army hit it. it’s a two-hour drive from Kyiv.
Video: @zaborona_media pic.twitter.com/sDcelQsp65— katerina sergatskova (@KSergatskova) February 25, 2022
Руското министерство за одбрана призна дека се водат борби во таа област, истакнувајќи дека руските сили „завршиле со блокада на градот Чернихив“.
Украина, пак, истакна дека им нанела големи загуби на руските трупи околу Чернихив, уништивајќи повеќе од 30 тенкови.
Началникот на украинските оружени сили, Валериј Залужњи претходно денеска рече дека украинската војска успеала да ја одржи одбраната и да го одбие налетот на руските трупи кон Чернихив.