Екс министерот за транспорт и врски Миле Јанакиески по денешниот распит, ги избегна камерите и го напушти Kривичниот суд од задната страна. Тој,како и екс-премиерот Груевски и градоначалникот на Гази Баба Тони Трајковски беа повика на распит кај судија на претходна постапка, откако СЈО побара да им се изречат мерки за претпазливост за случајот ТНТ.
СЈО ги товари Груевски и Јанакиески дека незаконски нарачале рушење на објектот „Космос“ во Гази Баба во сопственост на бизнисменот Фијат Цаноски.
Наредбата за уривање на објектот , како што тврди СЈО незаконски се реализирала преку општина Гази Баба, а причината била политичка одмазда бидејќи Фијат Цаноски, како претседател на Партијата за европска иднина (ПЕИ) ја напуштил коалицијата со ВМРО-ДПМНЕ.
По денешниот распит во судот, Груевски изјави дека иако нема никаква вина,тој смета дека ќе бидеповикуван на распит во судот заради, како што рече апсурдни причини. Тој смета дека ќе треба да се правда, биедјќи некој има за ел народот да ја смени перцепцијата и да почне да верува во тоа дека Груевски и неговите соработници се слични на човекот кој даде изјави дека не ги признава судовите, алудирајќи на опозицискиот лидер Зоран Заев.
-Бев повикан во судот затоа што Катица Јанева изразила сомнеж дека ќе ја напуштам земјата. Не знам дали некој верува во тоа, но се гледа дека СЈО прави чекори кои се нарачани и најверојатно тоа го посакува нивниот нарачател кој во неколку наврати изјави дека не ги признава македонските судови. Веројатно тоа е негова желба, но тоа ниту ќе го сторам ниту е вистина, ниту ќе му ја исполнам неговата желба.. Свесен е за својот политички рејтинг, свесен е дека изборите наближуваат и преку контролата што ја има врз луѓето во СЈО се обидува да ги изрелативизира рабтоите и да се обиде преку вакви апсурдни покани во судот да и мене и моите соработници не прикаже слични како него, рече Груевски.
Распитот на градоначалникот Трајковски е во тек.
