Премиерот на Бугарија Јанев и Вицепремиерот Рашков рано утрово го посетија местото на погибијата на 46 македонски државјани. Изјавија дека ваква трагедија не паметат и дека е тешко за гледање.
Информираа дека бугарските служби веќе работат на истрага на причините за несреќата. Дека она што се знае е дека автобусот во еден момент преминал на десната страна од коловозот и дека ја „собрал“ заштитната ограда во должина од 50 метри.
– Сликата е ужасна и не може секој да ја поднесе. Никогаш не сум виде вакво нешто. Тешко е да се одреди колку луѓе има и кои се, рече Рашков.
Тој истакна дека покрај опожарениот автобус, сообраќале уште три а дека настраданиот автобус се движел последен.
Заштитната ограда на автопатот е уништена од автобусот, а сосема е можно пожарот да настанал во контакт на автобусот со заштитната ограда, рече Рашков.
Местото на загинувањето било место на кое често се случувале сообраќајни несреќи, изјавија бугарските власти но се зборува и за тоа дека прво се појавила некоја искра во моторот на автобусот кој бил еден од четирите со кои била организирана шопинг турата до Истанбул.