Откако на Божиќ вооружен маж со оружје се обидел да упадне во замокот Виндзор каде кралицата Елизабета Втора. го прославуваше Божиќ со своето семејство, излезе шокантно видео објавено непосредно пред да се открие нападот.
It’s been revealed a 19-year-old intruder who was arrested in the grounds of Windsor Castle was armed with a crossbow – and it’s claimed he intended to assassinate the Queen. https://t.co/TWh1KQycs4 @MKarstunen #7NEWS pic.twitter.com/ADMQh9WWut
— 7NEWS Sydney (@7NewsSydney) December 27, 2021
Човекот на видеото, маскиран, држи самострел и се заканува дека „ќе ја убие кралицата поради одмазда за масакрот во Амритсар во 1919 година“.
Додека зборуваше, имаше филтер што му го искриви гласот. Според Дејли Мејл, станува збор за 19-годишниот Џасвант Синг Чаил.
– Жал ми е. Жал ми е за она што го направив и ќе го направам. Ќе се обидам да ја убијам Елизабета, кралицата. Ова е одмазда за оние кои загинаа во масакрот на Џалијанвал Баг во 1919 година, вели тој во видеото што го објави 24 минути пред да биде уапсен.
– Тоа е и одмазда за оние кои се убиени, понижени и дискриминирани поради нивната раса. Јас сум индиски Сик. Јас се викам Џасвант Синг Чаил, се викам Дарт Џонс, вели тој.
Британските сили во Индија убиле 379 демонстранти и раниле 1.200 во масакрот во Џалијанвала Баг, или масакрот во Амритсар.
Осомничениот, кој официјално не беше именуван од полицијата, беше уапсен на 25 декември веднаш по 8:30 часот, откако беше забележан на надзорните камери како минува низ градините откако се искачи на надворешниот ѕид. Потврдено е дека по приведувањето на натрапникот бил пронајден самострел.
Самострелите, инаку, често се нарекуваат „смртоносни, но легални“, бидејќи не бараат дозвола или регистрација и лесно може да се купат преку Интернет. По апсењето, на 19-годишникот му била извршена психолошка проценка.