НОВА ја објави сторијата за сиромашното семејство Трајковски од скопски Петровец, а граѓаните масовно се организираа и донираа се што им е потребно. Но, институциите и овојпат потфрлија.
Многу хумани луѓе му помогнаа на семејството Трајковски. Во нивниот дом во скопски Петровец постојано доаѓаат луѓе, на сметката стигнуваат финансиски средства. Сега имаат доволно дрва за греење,млеко и храна за бебето, облека,пелени средства за хигиена. Нивниот фрижидер повеќе не е празен. Добија и машина за перење и телевизор.Но, она што е најважно светна струјата во нивниот дом.
„Многу сум благодарна на сите добри луѓе. Сега имаме се, не очекувавме толкава помош. Јоаким е сега среќно дете“, изјави Симона Трајковска.
Овој пат Симона ја затекнавме сама со тримесечното бебе Јоаким. Бебето кое од своето раѓање за првпат виде светло, сега полека се навикнува на светлина од сијалицата. Јовица отишол да ја плати сметката за струја, да врати поголем дел од долгот кон ЕВН.
„Дојдоа и од Центарот за социјална работа, но сега веќе не ни е потребна нивна помош. Скам да кажам дека сега донациите може да се пренасочат на некое друго семејство кое живее во тешки услови нема струја, како што бевм,е и ние“, рече Симона.
Јовица кој како бранител го изгуби слухот , доби и работа. Тој од 1 ви март ќе започне да работи во АД Бутел. Тоа ќе му помогне полесно да ги отплати останатите рати за струја. Откако НОВА ја објави сторијата за голготата за семејтвото Трајковски кое живееше во мизерни услови, без струја, граѓаните слушнаа и се организираа да им помогнат.
Но, институциите и овој пат затаија. Во Македонија недостасува институционална грижа за социјално загрозени семејства, нешто за што сите граѓани на оваа држава плаќаат даноци.