Видео: Непријатен пречек со навреди за Ахмети во Куманово

Револтирани жители со довикување пцовки и навреди попладнево му приредија непријатен пречек  на Али Ахмети во кумановската населба Черкези, објави Алсат-М.

Според медиумот, се работи за жители од Диво Насеље и блиски пријатели на Џемаил Реџепи алијас Командант Шкипоња, поранешен висок функционер на ДУИ кој беше убиен лани.

Ахмети во Куманово дојде на партиска средба, која и покрај инцидентот сепак се одржала во хотелот. ТВ21 јавува дека во текот на собирот на граѓаните, кои се обиделе да го спречат одржувањето на настанот на ДУИ, биле искршени и стакла на еден од партиските автомобили.