Секое домаќинство во Грција кое настрадало од поплавите во петокот ќе добие помош од 586 евра, јави Радио Атина. Предвидена е и помош од 1.174 до 5.896 евра за обнова на штетите нанесени врз станбени згради.
Досега 350 домаќинства поднеле барање за помош за справување со штетите од поплавите.
Силна бура проследена со поројни дождови ја погоди Атина во петокот, откако ураганот Гонзало од западна Европа се премести кон Грција. Жртви нема, но има посериозна материјална штета.
Противпожарните служби добиле повеќе од 850 повици, а возила се блокирани во квартот Илион. Во некои делови од земјата прекинати беа и железничките линии.
Заради силниот ветар, голем број бродови останаа засидрени во пристаништето Пиреја.
Силниот ветер уриваше стебла и електрични столбови, а го погоди и Солун. Невремето ги зафати сите покраини на Грција, но и островите, а особено Родос.