Македонскиот тенисер Калин Ивановски со две победи го заврши настапот на годинашното издание на Вимблдон во јуниорска конкуренција, пред да биде елиминиран од Шпанецот Роденас во четврт-финалето.
Ивановски во првото коло славеше убедлива победа над Мексиканецот Родриго Пачеко Мендеш, 11. носител, со 6:2, 6:1, но победничкиот поен на нашиот претставник стана вирален на социјалните мрежи.
Решавачкиот удар го зададе во манир на искусен тенисер. Наместо класичен сервис, Ивановски се одлучи за егзибициски потег, што му го дозволи и резулатот, кој заврши успешно на негово лично задоволство, но наиде на воодушевување и меѓу публиката.
По триумфот над Мендеш, Ивановски во осминафиналето беше подобар и од Литванецот Едас Бутвилас, 8. носител, со 6:4, 5:7, 6:0.
Сашко Димовски