Маргарита Симонјан, уредничка во државната телевизија „Раша тудеј“, за време на гостување во ТВ емисија рече дека е „поверојатно“ рускиот претседател да се сврти кон својот нуклеарен арсенал отколку да признае пораз.
Симонјан, која важи за една од главните гласноговорници на Кремљ, рече: „Или ќе загубиме во Украина или ќе започне Трета светска војна. Мислам дека Третата светска војна е пореална, ако го познаваме нашиот лидер“.
Во очигледен обид да ја рационализира реториката, Симонјан додаде: „Сите ќе умреме еден ден“.
Russian propagandists have already begun to prepare their audiences for World War III
Margarita Simonyan offers a World War III and nuclear strike as an alternative to losing #Ukraine.
Solovyov at the same time agrees with her: “we will go to heaven, and they will simply die.” pic.twitter.com/ouh4HA515e
— NEXTA (@nexta_tv) April 28, 2022
Нејзините коментари следат по зголемената реторика за нуклеарна војна во последните денови кои излегуваат од Кремљ.
Во средата, Путин се чинеше дека се осврна на нуклеарните капацитети на Москва во предупредувањето до Западот во кое рече дека „сите цели дефинитивно ќе бидат реализирани“ и секоја земја што ќе се обиде да „се меша“ во конфликтот ќе се соочи со „брза“ одмазда.
„Ги имаме сите алатки за ова, работи со кои никој друг не може да се пофали дека ги има. И нема да се фалиме, ќе ги користиме ако е потребно. И сакам сите да го знаат тоа“, рече тој.
„Ако некој има намера да интервенира во тековните настани однадвор и да создаде стратешки закани за Русија кои се неприфатливи за нас, тој треба да знае дека нашите одмазднички удари ќе бидат молскавично брзи“, рече тој пред руските пратеници.