Во земјава се појавија голем број портали во мног кус период, така што конкуренцијата е огромна, а новинарските стандарди постојано се кршат.
Токму затоа, денеска се говореше на темата како да се опстане и финансиски, но и како да се запазат основните правила на професијата на конференцијата со наслов „Одржливост на новите медиуми“, која беше организирана од страна на невладината организација „Метаморфозис“ и потпомогната од УСАИД.
Во присуство и со помош на странски консултанти се расправаше како содржините да се прилагодат на читателите и како да се биде оригинален. Се расправаше и за креирање на мобилни апликации и како да се пробие овој нов огласувачки пазар за кој беше речено дека за само 3 години ќе порасне 20 пати до вкупно 20 милијарди долари на глобално ниво. Покрај ова, имаше и редица размислувања како со помош на саморегулација интернет медиумите да се справат со појавата на плагијаризам.