https://www.youtube.com/watch?v=MCRHiefYW00
Кристијано Роналдо испиша историја во светските клупски првенства, станувајќи прв играч кој направи хет –трик во финале. Кралскиот клуб ја освои петтата титула во ова натпреварување, победувајќи ја Кашима со 4:2, а Португалецот е прогласен за најдобар играч.
„Мајко моја! Многу се намачивме во овој натпревар. Не очекувавме дека ќе играме толку добро, но такви се финалињата. Го сакавме овој трофеј, па сега сме задоволни“, изјави 31 годишниот напаѓач кој минатата недела ја доби „Златната топка“, награда за најдобар фудбалер во Европа во минатата сезона.
„Ова беше убава недела. По „Златната топка“, ова финале беше најдобар начин за крај на годината. Победата, трите гола, вака да заврши годината е навистина импресивно“, рече за шпанската телевизија ТВЕ, Кристијано Роналдо.
Фудбалерите на Реал Мадрид се победници на Светското клупско фудбалско првенство што се одржа во Јапонија. Во финалето ја совладаа Кашима по продолженија, а јунак на натпреварот е Кристијано Роналдо.
Кашима антлерс уште еднаш покажа дека не случајно се првиот азиски тим во историјата што дојде до финале на Светското клупско првенство. Се покажаа како достоен ривал на кралскиот клуб, а во делови од натпреварот дури беа и подобри, но на крајот сигурно жалат што победникот не се реши во регуларните 90 минути.
Натпреварот заврши 2:2, а во продолженијата Јапонците останаа без сила. Во 98 минута Роналдо го даде својот втор гол, а во 104 минута го реши прашањето на победникот.