Изгледа “шашаво” ама функционира!
На такви коментари наидуваше Марго Ганделон кога ја раскажуваше својата идеја да отвори – кафеана со мачки!
Марго одлучи со сите сили да влезе во проектот и отвори иницијатива за crowdfunding или финансирање на проектот со повик за финансиски придонеси од оние кои сметаат дека идејата е добра и сакаат да помогнат таа да се реализира.
Кафената беше отворена во 2013 година во срцето на Париз и доживеа невиден успех. За многу Парижани местото стана оаза на мир каде доаѓаат да се ослободат од секојдневниот стрес. Познато е дека мачките ја имаат волшебна способност да делуваат смирувачки на човекот.
Во “Café des chats” постојано живеат 14 мачки. Сите се донесени од центрите за напуштени животни. Тие сега во кафеаната живеат втор живот, посреќен од претходниот каде некои од нив биле малтретирани и отфрлени. Сите се стерилизирани и редовно вакцинирани, редовно јадат и редовно одат на ветеринарска контрола.
Гостите се воодушевени. Во оваа кафеана нема брзање. Мачките даваат повод за да се почне разговор помеѓу гостите и да се склучат пријателства помеѓу луѓе кај кои со гаранција има една заедничка точка – љубовта кон мачките.
Сепак, гостите мораат да почитуваат неколку правила. Прво, на мачките не смее да им се дава храна а мачките не смеат да се вознемируваат додека спијат а од родителите кои доаѓаат до деца се бара да внимаваат и играта со мачките не биде агресивна. Кафеаната е место за мир, спокој и опуштеност во друштво на мачките.
И за да не дојде до “кавги”, кафеаната е забранета за кучиња.
Кафеаната им припаѓа на мачките, но на само едно место немаат пристап – кујната каде подготвува храната која им се служи на гостите. Марго се ориентираше кон органска и здрава храна а цените се многу пристапни.
Концептот доаѓа од Јапонија. Париското “Café des chats” имаше толку голем успех што во Париз се отвори уште едно вакво место а наскоро се очекува да се отворат и во сите големи градови на Франција. Шеесет телевизии од целиот свет дојдоа да направат репортажи за мачките и нивната кафеана што донесе стотици туристи во “Café des chats”.
Еве неколкумина од домаќините на париското “Café des chats” .







