Илјадници припадниците на народот Рохинга секојдневно бегаат во Бангладеш од насилствата и прогонот во Мјанмар, а за тоа колкав е размерот на овој егзодус може да се види на видео снимката на УНХЦР, на која се гледа бескрајна колона бегалци.
На снимката направена со дрон се гледа како илјадници припадници на Рохинга муслиманите одат долж тесниот дел од копното на надојдена река во Багладеш.
Тие бегаат во Бангладеш каде веќе се наоѓаат половина милион нивни сонародници во исклучително валкани и пренатрупани кампови.
Сведоци за светските агенции изјавуваат дека новиот бран бегалци почнал да ја преминува границата во текот ан викендот.
Високиот комесаријат на ОН за бегалци го повика Бангладеш да ја забрза проверката на околу 15.000 Рохинга бегалци, кои се заглавени во близина на границата откако влегле од Мјанмар.
УНХЦР бара од Бангладеш да ги префрли бегалците во внатрешноста на земјата поради подобри безбедносни услови.
Официјални претставници на ОН истакнуваат дека околу 582.000 припадници на народот Рохинга пренегале во Бангладеш од Мјанмар од избивањето на насилствата на 25 август годинава во државата Ракајн.
-Сериозно сме загрижени поради хуманитарните услови во Бангладеш, каде излјадници новодојдени се заглавени во близина на границата, изјави портпаролот на УНХЦР Андреј Махечиќ на брифингот во Женева.