Нов испад на навивачи на загрепски Динамо. Полигон за нереди на „Бед Блу Бојси“ е Севилја каде „модрите“ вечерва му гостуваат на истоимениот шпански клуб во Лигата на шампиони.
Информациите што доаѓаат од Шпанија упатуваат на дивеење на околу 100 фанови на хрватскиот првак кои кршеле се пред себе во центарот на градот. Потоа, како што наведува „Ел Мундо Депортиво“, дошло и до масовни тепачки во која се користеле палки и инвентар од околните кафулиња.
📻Vamos a Sevilla porque los ultras del Dinamo de Zagreb la están LIANDO EN SEVILLA ➡pic.twitter.com/uwgSmPc4dF https://t.co/t9jO0ywSvv
— El Larguero (@ellarguero) November 1, 2016
Шпанската полиција приведе неколку насилници, но засега нема вести за повредени и колкав е нивниот број. Динамо Загреб пријави доаѓање на повеќе од 200 навивачи на натпреварот, шпанските медиуми наведуваат дека нивниот број ќе биде најманлку 1.000 вечерва на трибините на стадионот „Санчез Пискуан“.
Мечот меѓу Севилја и Динамо Загреб во рамки на групата Х почнува во 20.45 часот.