„Сите за еден, еден за сите“ е мотото под кое денеска во кафе бар Излет, Шарената револуција со поддршка на целиот персонал, поттикнат од морални и солидарни причини, организира настан за собирање на парични донации за најактивните демонстранти кои се мета на кривичните пријави на МВР.
„Само заедно сме најсилни против злото на овој режим. Да бидеме сите солидарни и да им помогнеме на оние од нас кои си го ризикуваат животот и своите најблиски, во името на сите нас, во името на сите граѓани на Република Македонија. За слобода, за правда, за еднаквост!“, се вели меѓу другото во објавата на Шарената револуција и Излет.
Само во Скопје се поднесени кривични пријави против седум од најактивните граѓани – т.н “Шарени командоси“.
Се поднесуваат прекршочни пријави против десетици други граѓани, а некои се и во домашен притвор.
Помеѓу лицата кои секојдневно можеа да се забележат на улиците во Скопје, во Излет беше присутно и највисокото раководство на најголемата опозициска партија СДСМ.
Акцијата во Излет ќе трае до 1 часот по полноќ, за, како што велат споделување на финансискиот товар со кој, како што велат од Шарената револуција, режимот сака да ги потисне.