Најмалку две лица загинаа, а повеќе од три се повредени во руски ракетен напад врз станбена зграда во Киев што се случил утрово нешто пред 6 часот, јавија украинските медиуми. Првите бројки за загинатите и ранетите ги потврди советникот на украинскиот министер за внатрешни работи Антон Герашченко, пренесува „Киев Индепендент“.
Државната служба за вонредни состојби претходно соопшти дека руска артилериска граната погодила деветкатница и оштетила неколку станови. Погодениот станбен блок се наоѓа во областа Оболон во Киев.
⚡️Apartment block in Kyiv on fire after shelling.
Firefighters are putting out fire in the 9-story apartment block on 20 Bohatyrska St. in the Obolon neighborhood, according to the State Emergency Service.
The building was hit at around 5 a.m.
Video: State Emergency Service pic.twitter.com/uOe9AeGU7J
— The Kyiv Independent (@KyivIndependent) March 14, 2022
„Киев Индипендент“ пишува дека во моментот гори станбената зграда, а пожарникарите работат на гаснење на пожарот.
Украинската служба за итни случаи објави фотографии и снимки од пожарот, додавајќи дека дојавата ја добиле нешто по 5 часот. „Киев Индипендент“ пишува дека спасувачите веднаш почнале со евакуација и гаснење на пожарот.




