Украинскиот претседател Володимир Зеленски во своето обраќање пред членовите на Европскиот совет, рече дека доцнат со воведување на санкции кон Русија.
– Да беа санкциите превентивни, Русија можеби немаше да влезе во војната. Русија немаше да создаде криза со енергетиката. Сепак ќе имаше шанса. Руската армија не гледа што е чест и не знае што е свест. Не разбира зошто толку ја цениме нашата слобода, која одредува како ќе живее една земја, рече Зеленски.
Тој додаде дека Русија можеби немаше да влезе во војната ако знаеше дека ќе трае и притоа потенцира дека руската армија веќе уништила 230 училишта, 155 градинки и дека од почетокот на војната загинале 128 деца.
– Цели градови и села, претворени во пепел. Ништо не остана. Руската армија убиваше и новинари, иако ги гледаше со натпис „прес“. Можеби не ги научиле да читаат, туку само да убиваат, рече Зеленски.
Тој го замоли Советот на Европа да не задоцнат со примањето на Украина како полноправна членка на Европска унија, а на унгарскиот премиер Виктор Орбан му порача што поскоро да се одлучи на чија страна се наоѓа и дали ќе пушта оружје низ Унгарија.