Од вчера до 16 декември светот ќе живее во знакот на Меѓународниот ден на борба против семејното насилство врз жените. Од Националната мрежа против насилство во Македонија информираа дека жените овде се повеќе се одлучуваат да молчат кога врз нив се врши домашно насилство. Тие велат дека политичките партии досега не доволно се интересираа за насилтвото врз жените поради што и земјава нема изработено регистер на видови на насилство и нивни жртви.
Во насока на подигање на свеста, ви прикажуваме филмувана исповед од архивите на НОВАТВ од жена-жртва на домашно насилство.
Била претепувана од нејзиниот сопруг, мачена со разни предмети, со месеци затворана во домашен притвор.
Тепани и мачени биле и нејзините деца. Но, еден ден по 25 години брак собрала храброст и го пријавила во полиција. Од тогаш иако се развела, живее во уште поголем пекол. Тепањето продолжило, а покрај со сиромаштијата и борбата за гол живот оваа жена живее и во страв дека еден ден ќе биде убиена заедно со детето. Во својата исповед, оваа жена зборува и за тоа како во државата не гледа никаква заштита, а институциите немаат интерес за нејзината судбина.