Уште само неколку дена пред стартот на овогодинешното издание Таксират фестивал кој се одржува по петнаесетти пат.
На главната бина на 28 декември (сабота) во „Метрополис Арена“ ве очекува веројатно до сега најбунтовната Таксират комбинација со концертите на панк рок иконите The Exploited, импресивниот и моќен ска панк бенд The Locos, еден од најдобрите балкански бендови „Дубиоза Колектив“, легендарниот рокенрол бенд „Мајке“, предводниците на регионалната инди сцена Bernays Propaganda, српскиот хип хоп феномен „Београдски синдикат“ и македонската панк група „Лоши деца“.
Според досега објавените електронски изведувачи, во втората хала на фестивалот ќе се танцува до зори- великанот на детроитската техно сцена Carl Craig, лидерот на хаус музиката Dennis Ferrer, едни од најдокажаните хип-хоп артисти на домашната сцена ЛД Писторело и Гоце (САФ) и диџејот и продуцент Самоил Радински подготвуваат единствен спектакл.
Програмата во втората хала – „Денс Арената“ на Таксират 15 ќе биде визуелно збогатена со карактеристична сценографија, но и специфични визуелни ефекти. Задолжен за визуелнуот перформанс ќе биде македонскиот виџеј Горан Костовски – Индог. Со неговиот перформанс за време на настапите во „Денс Арената“ публиката ќе има прилика дополнително да ужива и во артистички визуелното искуство.