Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Емил Цветанов: Федерацијата работи во интерес на сите клубови и спортисти подеднакво

November 19, 2026

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Високите температури за мај ги отворија плажите во Грција – граѓаните на тест

0
By Нова ТВ on May 16, 2020 СВЕТ
СПОДЕЛИ
Facebook Twitter LinkedIn Email
Published: Saturday, May 16, 2020 19:28

Метеоролошките предвидувања и најавите за невообичаено високите температури за овој дел од годината, но и за да се избегнат гужви и пренатрупаност на градските плажи, беа доволни за грчките власти да донесат одлука од денеска да се отворат 515 организирани плажи во цела Грција, јави дописничката на МИА од Атина.

Портпаролот на грчката Влада Стелиос Пецас во четвртокот рече дека отворањето на плажите „ќе биде важен тест што треба успешно да го поминеме“, а заменик-министерот за цивилна заштита Никос Хардаљас вчера порача дека „овие два дена се голем облог дека секој од нас знае што треба да прави“, споменувајќи ги упатствата за индивидуална заштита.

Сопствениците на организираните плажи во изминатите денови интензивно работеа на подготовките за денешното отворање, за да се запазат новите и строги правила и прописи, бидејќи во случај на прекршување, предвидени се и строги казни.

Плажите ќе работат од осум часот наутро, а ќе постои контрола на влезот и регистрирање на бројот на посетители. Дозволени ќе бидат 40 лица на 1.000 метри квадратни.

Минималното растојание помеѓу оските на чадорите треба да биде четири метри и еден метар меѓу периметарот на сенката на двата чадори.

Дозволени се две лежалки на еден чадор, со исклучок на семејствата со мали деца, додека пак растојанието меѓу лежалките од два различни чадори треба да биде еден и пол метар.

Кафулињата и баровите на плажите ќе работат исклучиво со продажба на пакувани производи и кафе и тоа за носење, а забранета е продажба на алкохолни пијалоци.

На вработените им се препорачува да носат маска, а се обврзани да ги дезинфицираат лежалките по секој посетител.

На плажите ќе биде забрането тимско спортување со физички контакт, а сите посетители треба да го држат и потребното растојание.

За непочитување на новите правила и мерки, предвидени се казни од 5.000 до 20.000 евра, во зависност од големината на плажата, како и затворање на 30 дена. Во случај на втор прекршок, казната е тројно поголема.

Освен плажите, важен тест за однесувањето на Грците и индивидуалната одговорност ќе бидат и црквите кои утре ги отвораат вратите за литургиите со присуство на верници

Ако сѐ оди според планот, Грција на 1 јули ќе може да прими странски туристи

За месец и половина, односно на 1 јули, според изјавите на грчкиот премиер Кирјакос Мицотакис и државниот министер Јоргос Герапетритис, Грција ќе биде подготвена да прими странски туристи, секако доколку сѐ оди според планот, јави дописничката на МИА од Атина.

Мицотакис беше почесен гостин и централен говорник на глобалниот состанокот на меѓународната компанија за консалтинг  „Boston Consulting Group“, а во обраќањето преку видеоконференција се задржа и на туризмот и претстојната сезона.

-Ако работите одат според нашиот план, ќе бидеме отворени од 1 јули, со протокол што ќе биде логичен, не само за луѓето кои сакаат да патуваат, туку и за нашата туристичка индустрија. Сакаме голем дел од пазарот од една помала пита. Европската туристичка пита ќе биде многу помала, но ова лето сакаме еден поголем дел, рече Мицотакис.

Државниот министер на Грција Јоргос Герапетритис во интервју за грчката телевизија „ЕРТ“ рече дека сѐ уште се во фаза на подготвување на планот за туризмот

-Нашата проценка е дека од 1 јули навистина ќе бидеме во позиција да примиме странски посетители, под услови што ќе го гарантираат јавното здравје, рече Герапетритис.

Тој додаде дека за туристите ќе постојат неопходните протоколи, кои ќе бидат балансирана мешавина од заштита на јавното здравје, без при тоа да се поставуваат пречки за туризмот.

Герапетритис коментираше дека  ако земјата од која потекнува туристот, побара по враќањето да биде во карантин или да направи нов тест, се создаваат сериозни пречки и тоа е дестимулирачки за туризмот.

Портпаролот на грчката Влада Стелиос Пецас, говорејќи за телевиијата „МЕГА“ рече дека „билатералните договори оваа година ќе бидат дел од решението за туризмот

Share. Facebook Twitter LinkedIn Email
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.