Иво Карловиќ и Фелисијано Лопез ќе бидат запишани како највозрасни тенисери што играле меч на гренслем турнир. Двајцата имаат вкупно 77 години, а ждрепката ги спои во првото коло на Ролан Гарос. По четири часа минати на теренот, на крајот славеше хрватскиот ветеран со 7:6, 7:5, 6:7, 7:5.
Карловиќ со своите 40 години стана највозрасниот тенисер што учествувал на Отвореното првенство на Франција од 1978 година и Австралиецот Бери Филипс Мур кој беше два месеца постар.
Хрватот кој со неколку месеци е навлезен во петтата деценија од животот, воедно е највозрасен учесник воопшто на гренслем турнир во поединечна конкуренција, примат што досега го држеше Џон Пеш кој за еден ден беше постар од Карловиќ на Вимблдон во 1980 година.
Карловиќ по пауза од 40 години е најстар тенисер и со триумф на гренслем турнир. Лидер во оваа статистичка категорија е Кен Розвел кој на Австралија опен во 1978 година доби меч на 44 годишна возраст, колку што има и највозрасниот победник на парискиот турнир, Торбен Улрих од изданието на турнирот во 1973 година.
Ролан Гарос, 1 коло
Мажи
А. Зверев (5., Германија) – Милман (Австралија) 7:6, 6:3, 2:6, 6:7, 6:3
Дел Потро (8., Аргентина) – Јари (Чиле) 3:6, 6:2, 6:1, 6:4
Фоњини (9., Италија) – Сепи (Италија) 6:3, 6:0, 3:6, 6:3
Качанов (10., Русија) – Штебе (Германија) 6:1, 6:1, 6:4
Монфис (14., Франција) – Даниел (Јапонија) 6:0, 6:4, 6:1
Пуј (22., Франција) – Болели (Италија) 6:3, 6:4, 7:5
Вердаско (23., Шпанија) – Еванс (В. Британија) 6:3, 6:7, 6:3, 6:2
Едмунд (28., В. Британија) – Шарди (Франција) 6:7, 7:5, 6:4, 4:6, 7:5
Лајовиќ (30., Србија) – Монтеиро (Бразил) 6:3, 6:4, 6:4
Жени
Осака (1., Јапонија) – Шмедлова (Словачка) 0:6, 7:6, 6:1
Халеп (3., Романија) – Томљановиќ (Австралија) 6:2, 3:6, 6:1
Забаленка (11., Белорусија) – Цибулкова (Словачка) 7:5, 6:1
Киз (14., САД) – Родина (Русија) 6:1, 6:2
Ванг (16., Кина) – Женг (Кина) 6:1, 7:5
Мухова (Чешка) – Контавеит (17., Естонија) 3:6, 6:2, 6:2
Касаткина (21., Русија) – Паолини (Италија) 6:2, 6:3
Андрееску (22., Канада) – Бускова (Чешка) 5:7, 6:4, 6:4
Гарсија (24., Франција) – Бартел (Германија) 6:2, 6:4
Цуренко (27., Украина) – Бушар (Канада) 6:2, 6:2
Сакари (29., Грција) – Татишвили (САД) 6:0, 6:1