Владата на Виктор Понта “го преживеа“ гласањето во романскиот Парламент

Владата на Виктор Понта го преживеа гласањето во романскиот Парламент, откако пратениците не изгласаа недоверба на владата.

Гласањето беше по барањето на опозицијата, поради обвинувањата против Понта за перење пари и корупција.

За прифаќање на гласањето беа неопходни најмалку половина плус еден глас од вкупно 554-члениот парламент. На седницата присуствуваа 417 пратеници, а само 214 од нив гласаа.

Од гласовите, 194 пратеници гласаа „за“, 13 гласаа „против“, а седум од гласовите беа неважечки.

Владејачката коалиција присуствуваше на седницата, но не учествуваше во тајното гласање.

Понта пред гласањето изјави дека не ја обвинува опозицијата затоа што не е во состојба да ја собори владата.