Како што е веќе познато, српскиот патријарх Порфириј му врачи акт на поглаварот на Македонската православна црква – Охридска архиепископија, г.г Стефан, со кој се потврдува одлуката на Српската православна црква (СПЦ) да одобри и упати благослов за автокефалноста на МПЦ-ОА, со што се става крај на 55-годишниот спор меѓу двете цркви. Патријархот Порфириј најави дека документот ќе биде доставен и до другите православни цркви.
Со овој чин на СПЦ се отвори и процесот за стекнување на Томос за автокефалност, кој двете сестрински цркви очекуваат да биде доделен од вселенскиот патријарх Вартоломеј.
„По Божјата благодет, имаме прилика да го овенчаме тоа што веќе постои меѓу нас, а тоа е единството кое во еден период беше нарушено, но е воспоставено во духот на Црквата, а тоа е Македонската црква – Охридската архиепископоија дека има не само услови потребни да се организира во контекст на автокефална црква и дека тоа е најдобар можен начин и метод за животот на нашите православи браќа и сестри во Северна Македонија. Затоа она што веќе го реализиравме преку служењето на литургија во Скопје, денеска чувствуваме и јавно пред сите да го објавиме документот, кој се нарекува Томос“, изјави Порфириј по вчерашната литургија во Белград.
За г.г. Стефан овој настан е правда за Охрид – словенскиот Ерусалим и најави продолжување на процесот со посета на Вселенската патријаршија. (Б.Ј./М.Т.)