Барањата на граѓанската иницијатива АМАН не добија поддршка од власта на денешната расправа во собраниската комисија за економски прашања, со образложенија дека евтината струја ќе ја оптерети мрежата и ќе го зголеми увозот на скапа струја.
Пратениците, владините претставници како и регулаторната комисија, не се согласуваат ниту со второто барање на АМАН- исклучените од парно да престанат да плаќаат за услугата што не ја користат.
За АМАН неспоредлива е ситуацијата во Македонија со земјите од регионот но и од Европа, заради неспоредливиот стандард на граѓаните.
Сепак, постои можности предложените измени на АМАН кои се однесуваат на законот за енергетика да преминат во следната фаза- парламентарна седница, на која пратениците би расправале.