Вмро Дпмне вечерва во Штип го промовира Иван Јорданов со кој оваа партија влегува во трка за освојување на градската власт, на претстојните локални избори што ќе се одржат на 17 октомври.
Претседателот на партијата Христијан Мицкоски, прочита писмо до „идниот градоначалник“, како што рече, во кое му порача да е штедлив со парите на општината, да е достапен за граѓаните и да се грижи да има повеќе трева од асфалт во општината.
Во Македонија се некако почнувало од овде, од Штип, па така и оваа вечер, започнува победничкиот од, истакна Мицкоски.
„Штип го има најдоброто решение за ново поглавје, за промени и силни скокови напред. ВМРО ќе победи и во Штип, зошто Штип е ветерот на промените, предвесникот на најдобрите времиња кои доаѓаат. Да си ги решиме прво проблемите дома, да градиме мостови, да ја поддржиме културата, спортот, младите така и огништата повторно ќе засветат“ додаде, меѓу другото Мицкоски.