Осуммина кандидати се пријавиле на огласот за граѓанска контрола на работата на ОТА, новоформираната Оперативно техничка агенција, која треба да ги извршува наредбите за следење на комуникациите.
На огласот се пријавиле доцент д-р Ице Илиевски, Жаклина Пауновска, проф.Гордан Калајџиев, Катерина Крстевска Савовска вонреден проф по казнено право, Сашко Јанев дипломиран воен офицер, Маргарита Цаца Николовска, Филип Стојановски програмски директор на ,,Метаморфозис“ и Александар Николов извршен директор на ,,Зенит“.
Во ова тело кое треба да врши контрола врз прислушувањето кое сега е во надлежност на ОТА треба да се изберат 7 члена.
Илија Димовски од ВМРО ДПМНЕ и Ејуп Рустеми од ДУИ во Комисијата за избори именувања каде денеска се расправаше за оваа точка, побараа огласот да се поништи, поради малиот интерес на пријавени кандидати и затоа што нема пријавени кандидати од етничките заедници.
Ивана Туфегчиќ рече дека вината за слабиот одѕив е кај Собранието, затоа што огласот не добил јавност. Оперативната техничка агенција беше формирана во ноември лани и во оваа агенција се премести системот за прислушување од МВР.
Комисијата за избри и именувања ја прекинаа ја денепната седница и в понеделник ќе одлучуваат дали огласот ќе се поништи.
За идните членови на ова тело за граѓанска контрола над работата на ОТА не е предвиден паричен надомест.