Во рамки на редовните теренски активности на ВМРО-ДПМНЕ, денеска потпретседателот на партијата Александар Николовски, имаше средба со Општинскиот комитет во Гази Баба и посета на Општина Гази Баба.
Николовски најави дека нивната партија очекува убедлива победа на претстојните локални избори.
-После локалните избори очекуваме победа за градоначалник и Општина Гази Баба да ја води градоначалник од ВМРО-ДПМНЕ кој ќе ја реализира програмата која заедно со граѓаните веќе ја спремаме и треба да даде одговори на клучните прашања за живеењето во Гази Баба и да стави крај и стоп на криминалните политики кои ги води актуелниот градоначалник пред се во делот на урбанизацијата, а исто така и во делот на заштита на животна средина. Затоа што во моментов има неколку иницијативи за изградба на загадувачка индустрија, тука во непосредна близина во кругот на Железара, до населбите Автокоманда и Железара, од другата страна Маџари каде што сакаат загадувачка индустрија која ќе го загрози животот на граѓаните. Ние сме против тоа, ќе го спречиме тоа, а идниот градоначалник на ВМРО-ДПМНЕ ќе ја развива општината во правилна насока – истакна Николовски од ВМРО ДПМНЕ.