Опозициската ВМРО ДПМНЕ во денешното соопштение оценува дека вчерашната одлука на ЕУ значи дека политиката што ја води актуелната власт не ја придвижува земјата кон евроатлантските интеграции.
-Членството во ЕУ бара работа и посветеност, а не трговија со државните интереси. Република Македонија има потреба од реформи, а не од штетни договори, се вели во соопштението од ВМРО ДПМНЕ, во кое опозициската партија посочува дека Заев „трајно ги наруши македонските позиции“, со прифаќањето промена на Уставот на сопствената држава, бришење на идентитетот и јазикот.
-ЕУ даде јасна порака. Република Македонија има потреба од деполитизирани институции, слободно судство и функционален правен систем. Република Македонија има потреба од реални мерки и проекти кои носат подобар живот, а не од штетни договори, се вели во соопштението од ВМРО ДПМНЕ.