Девет кандидати се пријавиле на конкурсот за избор на кандидат за претседател со кој ВМРО ДПМНЕ ќе настапи на претседателските избори:
– Никита Шекутковски, Доктор на математички науки и редовен професор на Природно математичкиот факултет во Скопје, член на Институтот за математика,
– Ѓорѓи Манасков, машински инженер и Претседател на Стопанската комора за енергетика на Македонија,
– Васко Костов, фармацевтски техничар,
– Влатко Ѓорчев, правник, пратеник во Собранието на Република, Македонија и член на Извршен Комитет на ВМРО-ДПМНЕ,
– Гордана Силјановска Давкова, редовен професор на правниот факултет, „Јустинијан Први“ во Скопје, член на Институтот за правни и политички науки, катедра за уставно право и политички систем,
– Илија Димовски, професор во пензија на Шумарски факултет при УКИМ во Скопје,
– Филип Петровски, Д-р на политички науки и поранешен директор на Државниот Архив на Република Македонија,
– Горан Ангелов, правник, поранешен градоначалник на општина Виница во два мандати и Претседател на ЗЕЛС во еден мандат,
– Сашо Кутлешовски, д-р по земјоделски науки.
Овие кандидати ќе им бидат презентирани на општинските Комитети на партијата од 6-ти до 16-ти февруари и притоа сите ќе имаат еднаков третман и можности.
Пред неколку дена, високи партиски извори за НОВА изјавија дека, освен партиска поддршка, се размислува да се собираат и потписи за кандидатурата на Силјановска за да се „потврди поддршката која ја ужива меѓу граѓаните“, со што таа би била „граѓански кандидат подржан од ВМРО ДПМНЕ“ .