Со исти истрошени кадри СДСМ оди во изборен пораз, народот веќе ги прочита, реагираат од ВМРО-ДПМНЕ, откако претходно СДСМ ги објави дел од имињата на кандидатите за градоначалници.
– Заев го предложи Шилегов за кандидат за градоначалник за Скопје. Шилегов кој вети и не направи тунел под Кале, продолжување на булевар Илинден со мост преку Вардар кон Ѓорче Петров. Шилегов кој не вети, но брка 84 наставници, купува клупи од 500 евра од тропско дрво и плаќа противпожарно возило 900.000 евра поскапо од тоа што го плаќа град Загреб за исто такво возило, велат од ВМРО ДПМНЕ.
Заев, како што додаваат, го предложи Сашко Николов за кандидат за градоначалник за Штип, кој се потсмева со работниците, а додека тој е градоначалник неговите роднини, газдите на Баргала даваат плата од 200 денари на напатениот народ.
– За Охрид СДСМ ќе трча со Константин Георгиев, кој две години не смее да сруши една дивоградба, заради кој статусот на Охрид на листата на УНЕСКО виси. Заев избра кадри кои се слика копија на него. Заев избра неработници, неспособни и кандидати заштитници на криминалот, велат од опозицисата ВМРО ДПМНЕ.