ВМРО-ДПМНЕ денеска ја обвини Владата за правење популизам и политика со случајот со одржувањето на Супер купот со тоа што тврдела дека ќе пропадне, а потоа понудила решение. Во овој случај според ВМРО-ДПМНЕ, немало реален проблем.
„Владата на големи ѕвона пред 10 дена објави дека ќе пропадне Супер купот бидејќи претходната влада не го подготвила добро, дека не инвестирала доволно и дека таа е соочена со голем предизвик од пропаѓање на супер купот. Попусто ПУИК одговараше дека над шест милиони евра се инвестирани и дека се е навреме завршено освен некои помали ситни работи кои се во тек. Сликата која Владата ја претстави беше небаре потребни се уште 15 милиони евра за изградба на нова трибна, рече Лука Кржаловски, член на Извршниот комитет на ВМРО-ДПМНЕ.
Тој посочи дека по 10 дена Владата објавила дека нашла соломонско решение, прво дека крупниот недостаток биле некои клими во износ од 115 илјади евра, а второ дека ПУИК од својот буџет да си ги обезбедел бидејќи ги имал во буџетот.