ВМРО ДПМНЕ смета дека наводите изнесени на прес конференцијата на владиниот портпарол Миле Бошњаковски дека Владата од Министерството за внатрешни работи побарала истрага за неколку случаи за тендери, набавки и договори од владата на Груевски, за кои според Бошњаковски постоеле индиции дека со нив е направена штетата на буџетот на државата, се целосно неточни и претставуваат крајно тенденциозен обид во очи на изборите да се манипулираат граѓаните. Тоа е очаен потег на очајни луѓе.
Според логиката на СДСМ, на Роберт Поповски, Цацко, Марјан Забрчанец, Зоран Бојаровски, Бојан Маричиќ, Петрит Сарачини и Дарко Лешоски можат да му бидат советници и истите да бидат плаќани илјадници евра од парите на граѓаните, а Груевски не смее да има тројца советници кои донесоа нови 10.000 работни места. Додека скапо платената плејада на демаскирани граѓански активисти на Заев од државниот буџет цедат илјадници евра, без притоа државата да има реален бенефит од тоа. Ни самиот Бошњаковски не верува во тоа што го зборува и по одразот на лицето му се познава дека се што зборува го зборува под невиден притисок и диктат, се цвели во соопштението.