За ВМРО ДПМНЕ е јасно дека со својата изјава Жерновски всушност испратил порака до сите градежни фирми и останати компании, за тоа кој е начинот за соработка со него и Општина Центар.
„Жерновски сам, на овој начин, ги повика фирмите и им го покажа коруптивниот пат како да се соработува со него.
На цела македонска јавност веќе и е јасно дека Жерновски излажа, исто онака како што лаже и манипулира со сите останати теми. Жално е што цената на неговото ефтино политиканство и неработа во следите години ќе ја плаќаат жителите на Општина Центар.
Жерновски во целиот период од кога стана градоначалник се занимава со кочења, блокади, лажење, политички конструкции, а не со работа и проекти од интерес на граѓаните на Општина Центар. Како што очекувавме од него работа не видивме и нема ни да видиме, туку само политизирање, интриги, глумење жртва и креирање кавги“, се вели во реакцијата на ВМРО ДПМНЕ
Реакцијата доаѓа отакако градоначалникот на Центар, Жерновски посочи дека министерката Јанкуловска пред да поставува прашања треба да одговори кој е наредбодавач и извршител на проектот „Пустец“.