Ако ние како нова власт ја прифатиме преговарачката рамка, договорот и протоколите, што ги прифатила предавничката власт на сдсм и дуи, ќе останеме без ниту еден инструмент за исцрпување, декапацитирање и десубјективизирање на Македонија, без кесиња за задушување и телевизиска струја за лоботомија, Македонија ќе стане нормална држава и нормална нација, а ние во такви услови не можеме да функционираме, се плашам дека марулите во дворот на резиденцијата ќе ми се исушат, а планот беше, господине Радев, годинава да дибијам четири реколти…
Бранко Тричковски
Има Договор за добрососедство, пријателство и соработка од 2017 година и во него има два протокола. Има преговарачка рамка од 2022 година, европски консензус на сите земји членки и од власта на Северна Македонија, така што Бугарија никогаш не поставила и нема да постави услови надвор од тој договор, надвор од преговарачката рамка и надвор од двата протоколи.
Ова го изјавил бугарскиот претседател Румен Радев, одговарајќи на новинарско прашање дали Бугарија има цврста гаранција дека нема повеќе да има никакви условувања доколу Бугарите влезат во уставот на Македонија.
– Ние сакаме час поскоро се што стои во тие документи да се запази. Тоа што сакаме да го видиме е навистина запазување на човековите права. Станува збор за човекови права, чекаме трета година да се отвори процесот на присоединување и да почнат преговори со Северна Македонија и со промени во Уставот. Моето прашање е зошто тоа не се случува, изјави Радев, по денешната заедничка прес-конференција со претседателката на Македонија Гордана Сиљановска – Давкова и албанскиот претседал Бајрам Бегај, кои учествува на Самитот на шефови на држави и влади на учесниците во Процесот за соработка во Југоисточна Европа.
Многу јасно.
Мислам дека појасно од ова не може.
Никогаш не сум имал симпатии кон Радев, но овој пат проблемот и темата ги формулира строго политички и правно, без класичните зајадувања.
Ме интересира што на ова рекла другарката Дафкова.
Во недостиг на официјални информации еве некои претпоставки:
Ако ние како нова власт ја прифатиме преговарачката рамка, договорот и протоколите, што ги прифатила предавничката власт на сдсм и дуи, ќе останеме без ниту еден инструмент за исцрпување, декапацитирање и десубјективизирање на Македонија, без кесиња за задушување и телевизиска струја за лоботомија, Македонија ќе стане нормална држава и нормална нација, а ние во такви услови не можеме да функционираме, се плашам дека марулите во дворот на резиденцијата ќе ми се исушат, а планот беше, господине Радев, годинава да дибијам четири реколти…
Рекла, демек, Дафкова…
Ете, драги пријатели, никогаш нема да можеме да се рзбереме со Бугарите бидејки тие се во право, а ние односно нашето лидерство се луѓе и структури со опасни намери, плус се ограничени, ментално и културно/политички се многу, многу скромнички!
Това е!
Од Фејсбук ѕидот на авторот