Сенаторот на Вермонт, Берни Сандерс е победник во Хемпшир, во внатрепартиската трка за демократски кандидат на претседателските избори на САД, борејќи се со Пит Бутиџиџ, екс градоначалникот на Саут Бенд, Индијана.
По победата во Хемпшир во 2016 година, со маргина од повеќе од 20 поени во однос на Хилари Клинтон, се очекуваше Сандерс да однесе победа, како сенатор од соседна држава. Но, трката се заостри откако резултатите дојдоа во вторникот вечерта, уште еднаш произведувајќи изненадувачки тесна трка помеѓу Сандерс и Бутиџиџ, неговиот најголем ривал, но и можен победник за кандидат на демократите, јавува Си-Ен-Ен.
‘Да кажам дека оваа победа е почеток на крајот за Доналд Трамп“, рече сенаторот од Вермонт, поздравувајќи го неговото „досега невидено движење грасрут“ од брег до брег.
Сенаторката од Масачусетс, Елизабет Ворен, се најде на четвртото место, додека поранешниот потпретседател Џо Бајден е на петтото место, уште еден разочарувачки резултат за долгогодишниот фаворит по минатонеделните хаотични предизбори во Ајова.
Во својот говор пред приврзаниците, 38-годишниот Бутиџиџ, кој е геј и води кампања со сопругот, му честиташе на Сандерс, но потоа понуди критика на неговиот 78-годишен конкурент, велејќи дека гласачите не треба да избираат меѓу „револуцијата “ и„ статус кво “.
„Повеќето Американци не гледаат каде се вклопуваат во таа поларизирачка визија“, рече Бутигиег, известува Гардијан.
Кандидатите сега се пред нов предизвик во држави како Невада, Јужна Каролина и поразновидни држави кои ќе гласаат на Супер вторник- како Калифорнија и Тексас. Но, Сандерс го искористи моментот и прогласи победа, што е извонреден кам-бек на кандидатот, кој беше отпишан од многу експерти, откако претрпе срцев удар на почетокот на октомври.
Њу Хемпшир, кој е познат по тоа што вдахнува нов живот во напорните кандидатури, исто така и донесе брз моментум на сенаторката од Минесота, Ејми Клобучар, која се најде на третото место по силниот настап во дебатата во петокот навечер, што поттикна доцна пораст на нејзината поддршка.
И Клобучар и Бутиџиџ се чини дека биле разбудени од големиот број независни гласачи во државата – на кои им е дозволено да гласаат во внатрепартиските избори од која било партија.
И покрај неговата победа во вторникот вечерта во Хемпшир, Берни Сандерс сепак се соочува со искачување по угорнина за да ја добие демократската номинација и доколку успее, сепак може да изгуби од претседателот Трамп оваа есен. Сепак, дури и во пораз, првиот самопрогласен социјалист во американската историја кој има реална шанса да ги достигне овие предизвици најверојатно ќе постигне различен вид на победа, што воопшто некогаш имале можност само неколку претседатели на САД: трансформирање на идеологијата и програмата на Демократската партија, анализира Њујорк тајмс.
Всушност, оние кандидати кои успеваат решително да ја сменат партијата, честопати не се оние што ја добиваат самата Бела куќа.