Јапонскиот весник „Асахи“, повикувајќи се на неименувани извори, објави дека јапонскиот цар Акихито, до крајот на март 2019 година, најверојатно ќе се откаже од престолот.
Се очекува него да го наследи неговиот син принцот Нарухито.
Ова ќе биде прво абдицирање на еден јапонски цар во последните речиси два века. Јапонскиот парламент во јуни усвои закон со кој тоа е овозможено.
Портпаролот на јапонската влада ги отфрли наводите.
Акихито (83) кој имаше операција на срцето и се лечеше од карцином на простата, минатата година во една од ретките изјави за јавноста навести дека поради годините тешко може да ги исполнува своите задачи.
Според „Асахи“ новата ера на Јапонија на чело со Нарухито (57) би започнала на 1 април 2019.
Исто така се наведува дека јапонскиот премиер Шинзо Абе следниот месец ќе се сретне со најистакнатите функционери и членовите на јапонското царско семејство пред да биде објавен датумот на абдицирање.
Царот Акохито на престолот го наследи царот Хирохито, во чие време Јапонија учествуваше во Втората Светска војна.