Најмалку двајца загинати и десетици повредени се жртви на двете силни експлозии што денеска одекнаа во близина на целта на маратонот во Бостон САД.
Експлозиите се случиле три часа по завршувањето на трката, иако се уште имало маратонци кои ја завршувале трката, на една од главните туристички улици во Бостон.
Медиумите пренесуваат дека местото на експлозијата е во хаотична состојбата.
– Луѓето се покриени со крв – вели Лаура Меклин, која во моментот на експлозијата била во шаторот за да и биде пружена помош поради дехидратација.
Најмалку четири лица се префрлени во ургентниот центар, а очевидците наведуваат дека многу луѓе останале без екстремитети и дека на носилки се префрлувани во болнички возила.
Извори од полицијата велат дека е откриена уште една експлозивна направа пред хотелот Мандариан во градот, како и „уште една можна запалива направа“ во библиотеката ЏФК на Универзитетот на Масачусетс. На студентите им било кажано да не се доближуваат до библиотеката.
Ројтерс јавува дека њујоршката полиција испраќа антитерористички единици на локации во Њујорк, вклучувајќи ги и хотелите.
Медиумите јавуваат се уште никој не ја превзел одговорноста за овој напад во Бостон.