Палестинските служби за итни случаи денеска известија дека во тек е потрага по илјадници Палестинци за кои се верува дека се под урнатините.
Радио Слободна Европа јавува дека жителите на Појасот Газа се шокирани од обемот на уништувањето на вториот ден од прекинот на огнот меѓу Израел и палестинското движење Хамас.
-Бараме 10.000 маченици чии тела се уште се под урнатините, изјави портпаролот на палестинската служба за итни случаи, Махмуд Басал.
Тој додаде дека најмалку 2.840 тела се уништени и дека им се губи секаква трага.
Жителите и медицинскиот персонал во Појасот Газа велат дека двете страни генерално се придржуваат до прекинот на огнот, иако имало неколку спорадични случаи на прекршување на примирјето.
Медицинскиот персонал извести дека осум лица биле мета на израелски оган во јужниот град Рафах утринава, без да наведат детали за нивната состојба. Израелската војска соопшти дека ги истражува извештаите.