Варијантата „AY 4.2“, се наведува во соопштението, е идентификувана во Израел кај 11-годишно момче кое пристигнало од Европа.
Израел потврди случај со подваријанта на делта сојот на коронавирусот, што претходно беше откриен во некои европски земји, објави израелското Министерство за здравство.
Варијантата „AY 4.2“, се наведува во соопштението, е идентификувана во Израел кај 11-годишно момче кое пристигнало од Европа.
Момчето било тестирано на меѓународниот аеродром Бен Гурион во близина на Тел Авив по враќање од Молдавија и било ставен во карантин, а другите контакти не беа откриени.
Подваријанта „AY 4.2“ се појави неколку пати во Велика Британија каде што беше кажано дека подваријантите на делта сојот се ретки, а дека се чини оти не претставуваат ист ризик од многу повисока инфекција како други соеви.
Инаку, во Израел во моментов размислуваат да ги олеснат ограничувањата за туризмот, поради намалувањето на бројот на новозаразени.
Претходниот план за отворање на границите пропадна поради зголемувањето на бројот на инфекции со делта сојот.
Бројот на новозаразени достигна до 11.000 дневно на крајот на август и почетокот на септември.
Израелските власти започнаа агресивна кампања за вакцинација со трета засилувачка доза со вакцината Фајзер, што предизвика пад на инфекциите.
На 20 октомври беше објавено дека имало 1.487 нови случаи во претходните 24 часа.
8.021 лица починаа во Израел по инфекција со коронавирусот, а бројот на критично болни пациенти беше намален од 357 на 353.