Проектот за изградба на 12 куќи за самостојно живеење лица со попреченост над 18 години , беше презентиран денеска на средбата помеѓу градоначаникот на општина Карпош Стефан Богоев, и претставници од Здружението за деца со посебни потреби „ДАМА – ЕЛ“ и подружница „Св.Кирил“ – Дневниот центар за деца со посебни средби.
Предвидено е куќите да бидат изградени во 12 општини. Од суштинска важност е тие да бидат изградени на периферните делови од општините, но да не бидат иземени од цивилизациското живеење. Идејата на преоктот е лицата со попреченост да се социјализираат, да станат дел од локалната заедница и да им се олесни секојдневието.
Една од овие куќи треба да се изгради во општина Карпош, а општината е подготвена сериозно да се вклучи во имплементација на проектот, обезбедувајќи површина и инфраструктура која ќе биде функционала и ќе нуди пристап до објектот. Во оваа општина веќе има куќа на СОС Детското село.
„Ова е добра шанса и за зголемување на капацитетите на ваков тип објекти кои нудат подобри услови за живот на лицата без родители или лицата со попреченост“ рече Богоев.
Проектoт е во соработка со Министерството за труд и социјална политика, дипломатските претставништва во Република Македонија, како и Европска Унија и УНИЦЕФ.