Оптички мрежи на неколку телекомуникациски оператори се „саботирани“ во шест области на Франција, но Париз не е засегнат, соопшти француската полицијата денеска, јавува Ле Монд.
Инцидентот се случи три дена откако координираните дејствија на саботажа ги парализираа услугите на брзите возови неколку часа пред церемонијата на отворањето на Олимпијадата, попречувајќи го патувањето на стотици илјади луѓе.
Координираните напади ја парализираа мрежата на брзи возови во земјата минатиот петок, неколку часа пред церемонијата на отворање на Олимписките игри во Париз. Активист кој припаѓа на ултралевичарското движење е уапсен поради саботажа, соопштија властите.
Министерот за внатрешни работи Џералд Дарманин за телевизијата Франс 2 изјави дека властите ја разгледуваат теоријата дека ултралевичарските движења стојат зад нападите во петокот. Француските служби „идентификувале одреден број профили кои можеле да ги извршат“ диверзантските дејствија, рече тој.
Тој рече дека „нападите биле намерни, многу прецизни, исклучително добро насочени“, додавајќи дека тоа е „традиционалниот начин на работа на ултра левицата“.
Прашањето е дали се изманипулирани или тоа е за нивна сметка“, рече тој.
Француските власти денеска соопштија дека уапсиле активист кој припаѓал на ултралевичарското движење на локација на националниот железнички оператор SNCF.
Според Ле Монд, лицето е приведено во Ојсел во северна Франција во неделата и имаше клучеви за пристап до техничките простории на SNCF, алатки и литература поврзани со ултралевичарската партија, рече изворот, барајќи да остане анонимен.
До денеска наутро, сите брзи возови во Франција конечно повторно сообраќаа нормално, откако железничките инженери работеа деноноќно за да ја поправат штетата, изјави министерот за транспорт Патрис Вергриете. Трошоците за саботажата „многу веројатно“ ќе изнесуваат милиони евра, вклучително и „комерцијални загуби“ и „трошоци за поправка“, изјави министерот за радио РТЛ.
Каблите со оптички влакна што минуваат во близина на пругите и обезбедуваат пренос на безбедносни информации за возачите, како што се сигналните светла и точки, беа исечени и запалени во нападите на три од главните брзи TGV линии, на запад, север и источно од Франција.
Д. Т. / Цивил Медиа