Вооружени лица во камиони го окупирале Министерството за правда во Либија во Триполи, принудувајќи го персоналот на Министерството да ја напушти зградата.
Министерот за правда Салах ал-Маргани, изјавил дека пред да избегаат од зградата, тој се обидел да разговара со околу 20 до 30 вооружени лица во воена униформа.
Ова се случува откако Министерството за надворешни работи на земјата, останува под опсада трет последователен ден.
Вооружените демонстранти изјавиле дека нивната главна цел била да го натераат Генералниот Национален Конгрес да се усвои предложениот закон со кој ќе се забрани извршување функција во владата, на луѓето кои работеле во ерата на Гадафи.
Во последниве месеци, Либијците воспоставуваа вооружени протести во главниот град. Во некои случаи, демонстрантите ги опкружуваа владините канцеларии, и ги прекинуваа седниците на законодавниот дом на земјата.
Минатиот месец, вооружени демонстранти, неколку часа го држеа под опсада Генералниот Национален Конгрес, во обид да ги принудат членовите да го усвојат законот за политичка изолација. Вооружените лица тогаш отворија оган врз возилото на претседателот на парламентот, кој избега неповреден.