Насилство на екстремните десница и левица донесе жртва во Париз
Француската полиција го уапси денес осомничениот за нападот на анти-фашистичкиот милитант 19 годишниот Клемен Мерик кој беше нападнат и се наоѓа во состојба на церебрална смрт. Министерот за внатрешни работи на Франција Мануел Валс дека е “одлучен да го искорени ова насилство кое го носи печатот на екстремната десница“.
Жрвата и тројца од неговите пријатели се наоѓале во 9 арондисман на Париз вчера во еден стан каде се одржувала продажба на облека со марки кои се омилени кај екстремните левица и десница. Двајца мажи и една жена, скинхедси, влегле во станот и помеѓу двете групи дошло до кавга кога припадниците на екстремната левица почнале да ги навредуваа оние од екстремната десница. Тепачката настанала малку подоцна на улица и набрзо Мерик добива силен удар и паѓа врз еден столб.
Според пријателите на Мерик кои одржаа прес конференција денес тој не бил припадник на нити една партија туку само “анти-фашист“. “Клемен само што почна да се покрева од леукемија, тој не беше никаков монструм“, рекоа неговите другари.
Припадниците на Партијата на левите уште синоќа испратија соопштение во кое се вели дека “фашистичкиот хорор уби среде Париз“. Грандоначалникот на Париз социјалистот Бетранд Деланое исто така се огласи: “убиствениот напад е извршен од милитанти на екстремната десница“.
Претседателот на државата исто така го осуди нападот .
Марин Ле Пен, претседателката на екстремно десниот Фрон Насионал исто така реагираше на овие обвинувања на сметка на екстремната десница и изјави дека нејзината партија нема никаков допир со нападот. “Им се придружувам на сите оние кои беа милитанти со него (зб. Мерик) и иако не ги делиме истите идеи сметам дека ова што се случи е страшно“, рече Ле Пен.
Мерик му припаѓал на движењето “Анти фашистичка акција“ која е поддржувач на законот за бракови меѓу хомосексуалци. Овој закон во Франција предизвика големи протести на прпотивниците и поддржувачите. Освен тоа организацијата го поддржува протестот во Турција и се бори против екстремната десница во Грција.
Нападите помеѓу двете екстремни движења не се честа вест во Франција. Но статистиките велат дека ги има се повеќе во последниве три години.
Вечерва Парижаните се собираат на протест поради насилството.