Published: Thursday, December 17, 2015 11:42
Поранешниот претседател на Србија и Црна Гора, Светозар Маровиќ утрово е уапсен, по налог на специјалниот државен обвинител, пренесуваат црногоските медиуми.
Тој бил уапсен во зградата во Подгорица.
Специјалниот државен обвинител Миловоје Катниќ претходно го навестил апсењето на Маровиќ, истакнувајќи дека идентификуван бил шефот на криминалната организирана група во Будва и најавил дека истрагата наскоро ќе биде проширена на повеќе случаи.
Клучните актери во „Будванска афера“ признале дека се виновни за повеќемилионска штета на сметка на општина Будва и државата.
Во притвор веќе се синот на Маровиќ, Милош, потоа братот Драган и стрината Мирјана, а постапка се води и против неговата ќерка Милена Маровиќ Богдановиќ.




