Американската војска во иднина ќе прифати и жените кои се професионално вработени во армијата да можат да учествуваат во борби, што досега не беше возможно.
Со оваа одлука се укинува одредницата од 1994 година со која на жените им било забрането учество во борбени акции. Одлуката официјално ќе биде соопштена во петок, од страна на секретарот за одбрана Леон Панета.
Меѓутоа, тоа не значи дека во сите редови на војската, сите позиции ќе бидат отворени за учество на жени, односно ќе биде направена проценка и распоред со која брзина и во кој ред ќе биде прифатено нивното учество во борбени акции. Ова посебно се однесува на копнената војска и на маринците, каде ќе биде направена проценка на неопходните физички стандарди.
Во некои воени единици, жените ќе може да завземат борбена улога во армијата на САД уште оваа година, по историската одлука на секретарот Панета за укинување на забраната за жени кои служат на фронтот.
Ваквиот потег може да отвори стотици илјади водечки позиции и да ги видиме жените кои работат во елитни командантски единици.
Минатата година, за време на војните во Ирак и Афганистан, загинале околу 130 жени , а 800 повреде од самиот почеток на војната.