Владата на Северна Кореја објави список од 18 фризури кои се дозволени да се носат, со цел женското население да не го имитира „западниот изглед“.
Иако „колекција“ од 18 фризури веќе значајно ја ограничува фантазијата на дамите, за жените од Северна Кореја изборот всушност е уште помал. Додека девојките можат да носат шишки, плетенки и шноли во косата, на мажените жени им се препорачува строго куса коса или трајни локни.
Строгите правила се однесуваат и на мажите кои мора да имаат кусо потстрижена коса на вратот. Стрижењето е задолжително на секои 15 дена, а должината на влакната не смее да биде подолга од пет сантиметри.
Саканиот изглед од многу одамна е промовиран во емисијата под наслов „Се стрижиме согласно социјалистичкиот стил на живот“, која во Северна Кореја е емитувана во 2005 година.
Продуцентите на емисијата испраќаа на терен скриени камери кои ги „фаќале“ бунтовниците чии фризури не се вклопуваат во дадените насоки. Потоа нивните имиња јавно се објавуваат за јавно да ги нагрдат. Во прилог на строгите правила, емисијата нудела сомнителни „научни“ докази, како оној дека долгата коса „ја вшмукува“ енергијата од мозокот.