Режисерот Љупчо Ѓеоргиевски во Штипскиот театар ја поставува претставата „Парови“ од хрватскиот писател Миро Гавран. Се работи за за комедија која првпат ќе биде поставена на сцена на македонски театар. Премиерата се очекува во првата половина на април.
Улогите ги толкуваат: Миле Вратеовски, Милорад Ангелов, Виктор Арев, Пеце Ристески, Марија Минчева, Елена Шорова, Ангелка Арсова и Валентина Георгиева. Сценографијата ја работи Валентин Светозарев, а костимите се дело на Благој Мицевски.
Миро Гавран е еден од најпоставуваните хрватски драматурзи на сите времиња. Неговите дела изминативе три децении се преведени на 35 јазици. Околу 200 театарски продукции се поставени на сцени низ целиот свет.
„Парови“ ќе биде втора премиера на Штипскиот театар „Парови“, а следниот проект ќе биде соработка со украински режисер.