По барање на опозицијата вчера во Собранието се расправаше за причините и мерките за справување со загаедноста на воздухот.
Собарнието не ги изгласа заклучоците за Информацијата за загадувањето на воздухот во Скопје, поднесена од пратениците од опозицијата. Пратениците од опозицијата во своите дебати обвинуваа дека Владата требала да навреме да преземе мерки за да спречи загадувањето на воздухот, дека во сите градови нема мерни и станици, дека децата треба порано да одат на распуст и друго.
Владата беше подготвена да прифати некои од предложените заклучоци од страна на опозицијата со цел да се усвојат како усогласени заклучоци. Меѓутоа не успеавме да се усогласиме за некои од заклучоците. Го прифативме заклучокот број 5, 6, 7, 11 и 13 со цел да изразиме готовност за давање заеднички придонес и за изразување на заедничка вознемиреност и грижа како Парламент и како Влада“, соопшти министерот за животна средина Абдулаќим Адеми кој пак истакна дека дел од предложените заклучоци од опозицијата веќе се спроведуваат во пракса.
Владата не води грижа за здравјето на граѓаните, обвини од собраниската говорница пратеникот на СДСМ, Оливер Спасовски.